GRUPO CADEA DE CUSTODIA

Deberes dos membros do Grupo

As persoas e entidades que son aceptados como membros do Grupo SELGA Cadea de Custodia pasan a ter os seguintes deberes:

• Realizalas operacións con material certificado seguindo o establecido no Manual de Membro que lle foi entregado;
• Poñer a disposición, tanto da Entidade de Grupo como da Entidade de Certificación, os documentos relacionados con tódalas operacións realizadas con material certificado, dando as maiores facilidades posibles para a realización das auditorías que correspondan;
• Permitir o cumprimento por parte da Entidade de Grupo dos requirimentos que lle foran establecidos para dar resposta ás condicións e accións correctivas propostas e emitidas pola Entidade de Certificación ou por ela mesma;
• Levar a cabo as accións correctivas establecidas pola Entidade de Grupo ou pola Entidade de Certificación;
• Cumprir cos requisitos establecidos polo Grupo relacionados coa promoción e venda de produtos dentro e fora do alcance dos certificados dos que sexa titular;
• Coñecer e aceptar os dereitos e deberes da Entidade de Grupo e dos seus membros;
• Esixir que, os traballos que se executen a través de terceiros que contrate o membro do Grupo en operacións comerciais con material certificado, se executen conforme ao establecido nos códigos de boas prácticas correspondentes;
• Manter tódolos rexistros e documentación relacionados coas operacións con material certificado cubertos pola Cadea de Custodia;
• Aboar as cotas ou gastos do proceso de certificación correspondente, xa sexan específicos da mesma ou a parte proporcional dos xerais debido á administración e custodia do certificado correspondente;
• En caso de ser excluído da correspondente unidade de certificación de cadea de custodia, non facer uso do documento “Confirmación de Participación nun Certificado de Grupo de Cadea de Custodia” nin de ningún outro documento que acredite a inclusión no devandito Certificado.