GRUPO CADEA DE CUSTODIA

Admisión de membros

A Entidade de Grupo pon a disposición das persoas ou entidades que queiran entrar no Grupo o formulario de Solicitude de adhesión ao Grupo SELGA Cadea de Custodia (CdC-FOR-01) onde constan unha serie de compromisos que debe aceptar o solicitante para que poida formar parte do Grupo e que están incluídos dentro dos deberes dos membros.

Unha vez presentada a solicitude, iniciarase un proceso para a admisión do membro nos que se levarán a cabo, entre outras, as seguintes actuacións:

• Estudio dos procesos do solicitante;
• Implantación do sistema de control;
• Auditoría de admisión;
• Admisión do membro;
• Seguimento e formación continua.

Na auditoría de admisión deberanse comprobar diferentes cuestións relacionadas coa maquinaria utilizada polo solicitante, o persoal co que conta e os procesos internos que ten instaurados de xeito que se poida comprobar se é posible aplicar o sistema de cadea de custodia elixido.

No seguinte imaxe amósase, de xeito máis extenso, o esquema do proceso de admisión dun membro no Grupo.