GRUPO XESTIÓN FORESTAL

Dereitos dos adscritos

Segundo o establecido no Procedemento de Control (SLG-PRO-01) do Grupo SELGA Xestión Forestal Sostible, os propietario ou xestores, unha vez aceptados no Grupo, gozan dos seguintes dereitos:

1. A obter documentación onde se establezan os seus dereitos e deberes;
2. A recibir información sobre os diferentes procesos de certificación cos que conta o Grupo SELGA Xestión Forestal Sostible;
3. A recibir información sobre os requirimentos da norma PEFC, do Estándar FSC e das entidades de certificación en relación coa posta a disposición pública de determinada información;
4. A recibir información das obrigas da Entidade de Grupo dentro dos diferentes sistemas de certificación nos que participe o Grupo SELGA Xestión Forestal Sostible;
5. A recibir información sobre os dereitos de acceso que terán a Entidade de Certificación e a Entidade de Grupo á documentación do adscrito relacionada coa xestión dos seus montes, co propósito de levar a cabo a súa avaliación e seguimento, así como a ser informados os adscritos da posibilidade de que entren nos seus montes certificados, no caso de que esas entidades o estimen oportuno;
6. A obter a “Confirmación de Participación nun Certificado de Grupo PEFC” ou a “Confirmación de Participación nun Certificado de Grupo FSC” en función de onde teña incluída a súa unidade de xestión. Este documento acreditará ante un terceiro a inclusión desa superficie no certificado correspondente;
7. A obter un informe de validación de cantidade de madeira extraída, expedido pola Entidade de Grupo para garantir a adecuada trazabilidade do produto certificado;
8. A presentar as reclamacións relacionadas co proceso de certificación ou co funcionamento do sistema.