GRUPO CADEA DE CUSTODIA

Dereitos dos membros do Grupo

As persoas e entidades que son aceptados como membros do Grupo SELGA Cadea de Custodia pasan a contar cos seguintes dereitos:

• Recibir da Entidade de Grupo o Manual de membro do Grupo (CdC-PRO-02) onde consta, entre outra información, os seus deberes e dereitos;
• Recibir información da Entidade de Grupo ou ter acceso a unha explicación sobre os diferentes procesos de certificación cos que conta o Grupo;
• Recibir información sobre os requirimentos do estándar FSC e da Entidade de Certificación en relación coa posta a disposición pública de determinada información;
• Recibir información sobre as obrigas da Entidade de Grupo dentro dos diferentes sistemas de certificación nos que participe o Grupo;
• Recibir información sobre os dereitos de acceso que ten a Entidade de Certificación ou a Entidade de Grupo sobre a documentación relacionada coa cadea de custodia do membro, co propósito de levar a cabo a súa avaliación e seguimento;
• Obter copia do Certificado de cadea de custodia obtido pola unidade de certificación de cadea de custodia onde estea incluído;
• Obter a Confirmación de Participación nun Certificado PEFC de Cadea de Custodia (CdC-COM-03) ou a Confirmación de Participación nun Certificado FSC de Cadea de Custodia (CdC-COM-04) segundo corresponda;
• Poder presentar as reclamacións relacionadas co proceso de certificación ou co funcionamento do sistema que estime oportunas.

Ademais, e de forma específica para os membros incluídos na unidade de certificación de cadea de custodia PEFC, estes contarán cos seguintes dereitos:

• Solicitar a PEFC-España (ou a súa delegación PEFC-Galicia) unha sublicencia de uso do logotipo ou marca rexistrada PEFC, tralo cumprimento de tódolos requisitos da Certificación de Grupo;
• Poder presentar, ante a Comisión Arbitral de PEFC-España (ou PEFC-Galicia), as reclamacións relacionadas co proceso de certificación ou co funcionamento do Sistema.

Pola súa parte, os membros incluídos na unidade de certificación de cadea de custodia FSC contarán cos seguintes dereitos específicos:

• Acceso a unha copia do Estándar FSC;
• Previa solicitude e sempre que se cumpran os requisitos esixidos, empregar os logotipos e marcas rexistradas do sistema de certificación forestal FSC;
• Poder presentar as reclamacións relacionadas co proceso de certificación ou o funcionamento do sistema ante o estamento que en cada momento teña FSC-España establecido para tal fin.